ಎಲ್ಲಿ ನಡೆಯಲಿ, ಎಲ್ಲಿ ಕೂರಲಿ
ಬರಿದೇ ಬರಿದೇ ಅನಿಸಿದೆ
ಎಲ್ಲಿ ಅಲೆಯಲಿ, ಹೇಗೆ ಬಾಳಲಿ
ನಿನ್ನ ದನಿಯು ಪ್ರತಿದ್ವನಿಸಿದೆ

ಸುಪ್ತ ಮನಸಲಿ
ಗುಪ್ತವಾಗಿದ್ದ ಒಲವು
ಹೊರಗೆ ಬರಲು ಒದ್ದಾಡಿ
ದೂರವಾಗುವ ವೇದನೆಯಲಿ
ಕ್ಯಗೆ ಸಿಗದ ಗೆಲುವು
ಸೋಲೊಂದಿಗೆ ಗುದ್ದಾಡಿ
ಹೇಳಹೊರಟ ಮಾತುಗಳೆಷ್ಟೋ
ಹೇಳಿದ ಮಾತೊಂದೆ
ಬೀಳಹೊರಟ ಹೃದಯದಲ್ಲಿ
ಬದುಕಿ ಉಳಿದ ನೆನಪೊಂದೆ

ನೆನಪು, ಕನಸು, ನೋವು
ನನ್ನ ಪಾಲಿಗೆ ಇವು ಮೂರು
ಎದೆಯಂತರಾಳದಲ್ಲಿ ಉಳಿದ
ನಿರೀಕ್ಷೆಗಳು ಅವು ನೂರು
ಕತ್ತಲಾದ ಮನದ ಗುಡಿಯ
ಬೆಳಗುವ ಪ್ರಣತಿ ಮುಂದಾರು..?
ನಿನ್ನ ಆಣತಿಗೆ ತಲೆಬಾಗಿ
ಹೊರಟಿರುವೆ ಕಾನನದಿ ಹುಡುಕಿ ಹೊಳಪು
ಅಲ್ಲಿಯವರೆಗೂ ಮರೆಯದಿರಲಿ
ವೇದನೆ ಅನಿಸಿದರು ಸರಿಯೇ ನಿನ್ನ ನೆನಪು