ಅಮ್ಮ ನೀನು ನನ್ನಿಂದ ದೂರ ಇರಬಹುದು, ಆದರೆ ನಿನ್ನ ಪ್ರೀತಿ, ಆಶೀರ್ವಾದ ಮಾತ್ರ ಸದಾ ನನ್ನ ಜೋತೆಗಿರುತ್ತೆ. ಆ ಮೂಲಕ ಸದಾ ನೀನು ನನ್ನ  ಜೋತೆಗಿರ್ತೀಯ. ಒಂದಲ್ಲ ಒಂದಿನ ನನ್ನ ಮಗ ಏನಾದ್ರೂ ಸಾದಿಸ್ತಾನೆ ಅನ್ನೋ ನಂಬಿಕೆಯಲ್ಲಿ ದಿನಗಳನ್ನ ಕಳೀತ ನನ್ನ ಕಾಯ್ತಾ ಇದೀಯ, ನಿನ್ನ ನಂಬಿಕೇನ ಆದಷ್ಟು ಬೇಗ ನಿಜ ಮಾಡ್ತೀನಿ. ಆ ದಿಸೆಯಲ್ಲಿ ಹೋರಾಡ್ತಾ ಇದೀನಿ. 

ಸದಾ ನನ್ನ ಬಗ್ಗೆನೇ ತುಡಿಯೋ ನಿನ್ನ ಪ್ರೀತಿಗೆ, ನಿನ್ನ ಮಮತೆಗೆ ಸಮವಾಗೋದನ್ನ ನನ್ನಿಂದ ಈ ಜನ್ಮದಲ್ಲಿ ನೀಡಲು ಸಾದ್ಯವಿಲ್ಲ. 

ನೀ ಕೊಟ್ಟ ಈ ಜೀವದ , ಜೀವನದ ಋಣವ ಈ ಜನ್ಮವಲ್ಲ, ಏಳೇಳು ಜನ್ಮದಲ್ಲೂ ತೀರಿಸೋಕೆ ಸಾದ್ಯವಿಲ್ಲ ....

ಇನ್ನು ಹೆಚ್ಚೇನೂ ಹೇಳಲ್ಲ ,

 "ಬರಿದೆ ದೇಹ ನಾನು 

  ಅದರ ಜೀವ ನೀನು"

ಅಮ್ಮಾ HAPPY MOTHERS DAY ............... ಪ್ರತಿ ವರ್ಷದಂತೆ ಈ ವರ್ಷಕ್ಕೆ ಈ ಕವಿತೆಯ ಅರ್ಪಣೆ , ಪ್ರತೀ ವರ್ಷ ಗ್ರೀಟಿಂಗ್ ಕಾರ್ಡ್ ನಲ್ಲಿ ಕವಿತೆ ಬರದು ನೇರವಾಗಿ ಕೊಡ್ತಿದ್ದೆ, ಓದೋಕೆ ಬರದ ನೀ, ಮನಸಿನಲ್ಲಿ  ಓದಿಕೊಂಡು ಕಂಬನಿ ಮಿಡಿಯುತ್ತಿದ್ದೆ   .  ಈ ಬಾರಿ ನೇರವಾಗಿ ನೀಡಲು ಆಗುತ್ತಿಲ್ಲ ಕ್ಷಮಿಸು..... ಅಂತ  ನಾನ್ ಕೇಳ್ಬೇಕ? ಮೊದಲೇ ಕ್ಷಮಯಾಧರಿತ್ರಿ ನೀ .... love u forever.......

ತಾಯಿ ಪ್ರೀತಿಯ ಹೊತ್ತು ಬಂತು ಮದರ್ಸ್ ಡೇ

ತಾಯಿ ಪ್ರೀತಿಯ ಸಾರಲು ಬಂತು ಮದರ್ಸ್ ಡೇ |

ತಾಯಿ ಪ್ರೀತಿಯ ಹಾಳವನ್ನು 

ತಿಳಿದೋರಿಲ್ಲ, ತಿಳಿಯಲಾಗೋದಿಲ್ಲ

ತಾಯಿ ಮಮತೆಯ ಹೆತ್ತರವನ್ನು 

ಹತ್ತಿದವರಿಲ್ಲ, ಹತ್ತಲಾಗೋದಿಲ್ಲ 

ಅವಳೊಂದು ಪ್ರೀತಿಯ ಎವರೆಸ್ಟೂ

ಎಂದೆಂದೂ ನಮ್ಮಾ ಹೃದಯಕೆ ನಿಯರೆಸ್ಟೂ || ತಾಯಿ ||

ಮೊದಮೊದಲು ಭೂಮಿಗೆ ಬಂದಳು 

ಜೊತೆಯಲ್ಲೇ ಮಮತೆಯ ತಂದಳು 

ಧರೆಬೆಳಗೋ ದೀಪವ ಹಚ್ಚಿ 

ಆರದಂತೆ ಕಾದು ಕುಳಿತಳು 

ಅವಳೆಂದೂ ನಮ್ಮಾ ಬಾಳಿಗೆ ಡಿಯರೆಸ್ಟೂ

ಅವಳೆದುರು ಉಳಿದೋರೆಲ್ಲ ಫಾರೆಸ್ಟೂ || ತಾಯಿ ||

ತೊದತೊದಲು ಮಾತನು ತಂದಳು 

ತಾಹಸಿವಿದ್ದು ತುತ್ತನು ಕೊಟ್ಟಳು 

ನೋವೆಲ್ಲಾ ಒಬ್ಬಳೇ ಉಂಡು 

ಖುಶಿಹಂಚಿ ನೋವ ಮರೆತಳು 

ಪ್ರತಿಯೊಬ್ಬರ ಪ್ರೀತಿ ತುಂಬಾ ಶಾರ್ಟೆಸ್ಟೂ 

ಅಮ್ಮನೊಬ್ಬಳ ಪ್ರೀತಿ ತುಂಬಾ ಲಾಂಗೆಸ್ಟೂ || ತಾಯಿ ||

                                                           ---- ಅರಶಿ 

ಕೋಗಿಲೆಗಿಂತ ಇಂಪು ಆ ದನಿ,
ಅವಳಾ ದನಿ ನಾನಿನ್ನು ಕೇಳಿಲ್ಲ
ಕೊರೆವ ಮಂಜಿನ ಹನಿಗಿಂತ ತಂಪು,
ಆ ಸ್ಪರ್ಶ ಅವಳಾ ಸ್ಪರ್ಶ ನಾನಿನ್ನು ಸ್ಪರ್ಶಿಸಿಲ್ಲ
    ಇರಬಹುದೇ ಎದೆಯಂತರಾಳದಲ್ಲಿ
    ನನ್ನ ಬಗೆ ಅವಳಲ್ಲಿ
    ಸಿಗಬಹುದೇ ಅವಕಾಶ ಮಾತಾಡಲು
    ನಿಂತು ಅವಳ ಬಳಿಯಲ್ಲಿ

ದಿನ ಮೈಸೋಕೋ ತಂಗಾಳಿಗೇಳುವೆ
ಅವಳ ಸೋಕಿ ನನ್ನೆಡೆ ಬಾ ಎಂದು
ದಿನ ಮೂಡೋ ಸೂರ್ಯನಿಗೇಳಿಕಳಿಸುವೆ
ಅವಳ ಕುಶಲ ಕೇಳಿ ತಾ ಎಂದು
   ಇನ್ನೆಷ್ಟು ನಾ ಬರೆಯಲಿ ಬರೆಯುತಿದ್ದರು
   ವಿವರಿಸಲಾಗದ ಮೂಡ ನಾನು
   ಇನ್ನು ಅರ್ಥವಾಗಲಿಲ್ಲ ನಿನಗೆ ಓದಿ ಕೂಡ ಹಾಗೆ
   ಚಲಿಸುತಿರುವ ಮೋಡ ನೀನು

                                                                                             -ಅರಶಿ

ಅಯ್ಯೇಯ್ಯೋ ಲಬ ಲಬ ಲಬ ಲಬ ಲವ್ ...

 ಪ್ರೀತಿಸಿದ ಹುಡುಗಿ ದೂರ ಆದಾಗ ಆಗೋ ನೋವು, ಹುಡುಗರ್ಗೆ ಒಂತರ ಎಣ್ಣೆ  ಹೊಡೆಯೋಕೆ ನೆಪ, ಎಂತ ಯಾರ್ಯಾರೋ ಹೇಳ್ತಿದ್ರು , ನಿಜಾನೋ ಸುಳ್ಳೋ....? ಆದ್ರೆ ಹುಡಗರು ಎಣ್ಣೆ ಹೊಡೆಯೋದ್ ಅಂತು ಸತ್ಯ... ಎಣ್ಣೆ ಹೊಡೆದ್ ಮೇಲೆ, ಡೈಲಾಗ್ ರೈಟರ್ ಆಗೋಗ್ತಾರೆ, ಅದೆಲ್ಲಿಂದ ಬರುತ್ತೋ ಆ ಪರಿ ಡೈಲಾಗ್ಸು, ಎಣ್ಣೆ ಹೊಡೆದೋನೆ ಬಲ್ಲ,
ಪಾಪ ಹುಡಗರು ಎಣ್ಣೆ ಹೊಡ್ಕೊಂಡು  ಅಯ್ಯೇಯ್ಯೋ ಲಬ ಲಬ ಲಬ ಲಬ ಅಂತ ಒಳಗೇ ಬಡ್ಕೋತ ಇದ್ರೂ, ಹಾಳಾದ ಹುಡ್ಗೀರ ಕೀವೀಗೆ ಅದು ಕೇಳ್ ಸೋದೆ   ಇಲ್ಲ, ಅವರ ಪಾಡಿಗೆ ಅವ್ರು ಆರಾಮಾಗಿ ಇರ್ತಾರಾ...? ಅಥವಾ ಪಾಪ ಅವ್ರು ಒಳಗೇ  ಅಯ್ಯೇಯ್ಯೋ ಲಬ ಲಬ ಲಬ ಲಬ ಬಡ್ಕೋತ ಇರ್ತಾರ ..? ಯಾರಿಗೆ ತಾನೇ ಗೊತ್ತು ?
ನನ್ನ ಕಾಲ್ಪನಿಕ ಕಥಾನಾಯಕ ಗಂಟಲ್ ತನಕ ಎಣ್ಣೆ ಹೊಡೆದು, ಹೊಸ ಸ್ಟೈಲ್ ನಲ್ಲಿ, ಹೊಸ ತರ ತನ್ನ ನೋವನ್ನ ಒಬ್ನೇ  ಹೇಳ್ಕೋತ ಇದಾನೆ.... ಒಂದ್ಸಾರಿ ಓದಿ....

ಇದು ಪ್ರತೀ ಪ್ರೇಮಿಯ ಅಂತರಾಳದ ಲಬ ಲಬ ಕೂಗು
ಓದಿ ನೀವು ಕೂಡ ಲಬ ಲಬ ಅಂತ ಬಾಯ್ ಬಡ್ಕೋಳಿ
ಏಕಂದ್ರೆ ಹಾರ್ಟ್ಗೆ ನೋವಾದಾಗ ಬಾಯ್ ಬಡ್ಕೊಂದ್ರೆ ನೋವು ಕಡೆಮೆ ಆಗುತ್ತಂತೆ

ಬಾಯ್ ಬಡ್ಕೊಂಡು ಕೊನೇಲಿ ಬಾಯ್ತುಂಬಾ ಬಯ್ದುಬಿಡಿ ಎಲ್ಲ ನೋವು ಓಡೋಗುತ್ತೆ 
ಬಾಯ್ ಬಡ್ಕೋಳಿ... ಇಲ್ಲ ಹಾಳಾಗ್ ಹೋಗಿ ....
ನಾನು ಈ ಹಾಡನ್ನ ನನ್ನದೇ ಟ್ಯೂನ್ ನಲ್ಲಿ ಆಗಾಗ ಹಾಡ್ಕೋತ ಇರ್ತೀನಿ
ನೀವು ಕೂಡ ನಿಮಗೆ ಅನಿಸಿದ ಟ್ಯೂನ್ ನಲ್ಲಿ ಹಾಡ್ಕೋಳಿ.. ಬಡ್ಕೋಳಿ...

                                                                                             - ಅರಶಿ ಅಯ್ಯೇಯ್ಯೋ ಲಬ ಲಬ ಲಬ ಲಬ
ಅಯ್ಯೇಯ್ಯೋ ಲಬ ಲಬ ಲಬ ಲಬ
ಅಯ್ಯೇಯ್ಯೋ ಲಬ ಲಬ ಲಬ ಲಬ ಲವ್
ಒಂದ್ಸಾರಿ ನೋಡೆ
ನನ್ ಪ್ರೀತಿ ಮಾಡೆ
ಹರಿವ ಕಂಬನಿ ಈಗ ಮಾತನಾಡಿದೆ
ಒಂದ್ಸಾರಿ ಬಾರೆ
ನನ್ ಜತೆ ಸೇರೆ
ನುಡಿವ ಕಣ್ಣಿದು ಈಗ ಮೌನವಾಗಿದೆ
     ನೀನು ಇರದ ಕ್ಷಣವನು ನೆನೆಯಲಾರೆನು
     ನೀನು ಕೊಟ್ಟ ನೆನಪನು ಮರೆಯಲಾರೆನು
ಮೌನ ಮುರಿದು ಮಾತನಾಡು ಬಾರೆ
ಈ ಬೆವರ್ಸಿಯಾ  ಪ್ರೇಯಸಿ |

ಅರಚಿಕೊಂಡು, ಪರಚಿಕೊಂಡು, ಕಿರುಚಿಕೊಂಡೆನು
ನಿನ್ನ ಮಾತ ಗುಂಗಿನಲ್ಲಿ ಮೂಖನಾದೆನು
ಅಡಗಿಕೊಂಡು, ಮುದುಡಿಕೊಂಡು, ಸಿಲುಕಿಕೊಂಡೆನು
ನಿನ್ನ ಪ್ರೇಮ ಪಾಶದಲ್ಲಿ ಮೂಡನಾದೆನು
      ಪರಚಿಕೊಂಡ ಹೃದಯಕ್ಕೀಗ
      ಮದ್ದು ಹಾಕಿಸು
      ಗೀಚಿಕೊಂಡ ಹಣೆಯ ಬರಹ
      ಬಂದು ಬದಲಿಸು
ಓಡಿಬಂದು ಬೇಗ ನನ್ನ ಸೇರೆ
ಈ ಬಿಕನಾಸಿಯ ಬೀಗುತಿ ||

ಎದುರುಗಿಟ್ಟ ಚಿತ್ರಾನ್ನ ಅಳಸಿಹೋಹಿತು
ನಿನ್ನ ನೆನಪಿನಲ್ಲಿ ಹಸಿವು ಮಾಯವಾಹಿತು
ಮುನಿಸಿಕೊಂಡ ನಿದಿರೆ ಕೂಡ ನನ್ನ ತೊರೆಯಿತು
ಹೋಗು ದೂರ ಎನ್ನುತಾ ಜಾಡ್ಸಿ ಒದೆಹಿತು
       ಎಷ್ಟು ಸಾರಿ ಕೂಗಲಿ ನಿನಗೆ ಕೇಳಲು
       ಇನ್ನು ಕೇಳದೆ ಈ ಮನದ ಮಾತದು
       ಒಂದು ಬಾರಿ ಬಂದುಹೋಗೆ ಹಾಗೆ ಸುಮ್ಮನೆ
       ಸರಿಸು ಬೇಗನೆ ಈ ಹುಚ್ಚು ಯಾತನೆ
ಬರದೆ ಇದ್ರೆ ಹಾಳಾಗಿ ಹೋಗೆ
ಈ ಹೃದಯರಾತ್ರಿಯಾ ರಾಕ್ಷಸಿ  ||

ಅಭಿಸಾರಿಕೆ ನಿನಗಭಿನಂದನೆ.................

ಆ ಮೂರನೇ ಕ್ರಾಸ್ ನಲ್ಲಿ
ನೆಟ್ಟಿರುಳು ರಾತ್ರಿಯಲಿ
ಭಯವಾದರೂ ನೀ ಅಲ್ಲೇ ಇದದ್ದು
ಆ ಚಾವಣಿ ಇರದ ಬಸ್ ಸ್ಟಾಪ್ ನಲ್ಲಿ
ಮಳೆ ನಿನ್ನ ದಾರಾಕಾರವಾಗಿ
ನೆನೆಸಿದರು ನೀನಲ್ಲೇ ನಿಂತದ್ದು
ಮರದ ಎಲೆಗಳುದುರಿ ಬೋಳಾದ ಪಾರ್ಕಿನಲ್ಲಿ
ಮುಸ್ಸಂಜೆಯಾದರು ನೀ ಕುಂತದ್ದು
ಆ ಪೂರ ಮೂರು ಮುಕ್ಕಾಲು ವರ್ಷ ..............
ಎದೆ ಭಾರವಾಗುತ್ತಿದೆ ಹುಡುಗಿ
ಕಂಬನಿ ಪುಟಿದೇಳುತ್ತಿದೆ
ಆ ಪೂರ ಮೂರು ಮುಕ್ಕಾಲು ವರ್ಷ
ನೀ ಕಾದದ್ದು ಈ ಅಲೆಮಾರಿಗಾಗಿಯೇ..?
ನಿನ್ನಂತ ಸುಂದರಿ ನನ್ನಂತ ಬಡಪಾಯಿಯನ್ನು
ಪ್ರೀತಿಸಬಹುದು ಎಂಬ ಸಣ್ಣ ಸಂಶಯ
ಸಹ ಅದೇಗೆ ಬರಲು ಸಾದ್ಯ 
ಅಂತಃಪುರದ ಮಹಾರಾಣಿ ಯಂತೆ

ಕಂಡ  ನನ್ನ ಡವ ಡವ ನೀನು

ಇಲ್ಲೇ ನಿಂತು ಎಲ್ಲೋ ನೋಡುವ

ಬೆಳಕನುಡುಕುವ ಬಡವ ನಾನು

ಸಣ್ಣ ಸುಳಿವನ್ನಾದರು ನೀಡಬಾರದಿತ್ತೆ

ಸಪ್ತ ಸಾಗರವನ್ನಾದರು ದಾಟಿ ಬರುತಿದ್ದೆ

ಕಾಲ ಮಿಂಚಿರಲು, ನೀ ದೂರವಾಗಿರಲು

ನನ್ನ ಆರ್ತನಾದ ನಿನಗೆ ಕೇಳಬಹುದೇ

ನನ್ನ ಕೇವಲ ಪದಗಳು ಸಮವಾಗಬಹುದೇ

ಹೆಚ್ಚೇನೂ ಹೇಳಲೀಗ ನಾನು

ನೆನಪಾಗಿ ಕಾಡುತ್ತಿರುವಾಗ ನೀನು

ಅಭಿಸಾರಿಕೆ ನಿನಗಭಿನಂದನೆ |

ಜಗದ ನಿಯಮಗಳ ಗುಂಗಿಲ್ಲ, ಹಂಗಿಲ್ಲ

ನೀ ಮೆಚ್ಚಿದರೆ, ಮತ್ತೆ ಒಪ್ಪಿದರೆ

ಬರೆವೆನೊಂದು ಇತಿಹಾಸ

ಸ್ವರ್ಗ, ನರಕಗಳ ಅರಿವಿಲ್ಲ, ಬೇಕಿಲ್ಲ

ನೀ ಸಿಕ್ಕಿದರೆ, ಬಿಗಿದಪ್ಪಿದರೆ

ಬಡಎದೆಯಲ್ಲೊಂದು ಮಂದಹಾಸ

ನಿನ್ನ ಚೆಲುವ ವದನದಲ್ಲಿದ್ದ ಬರಿಗಣ್ಣಿಗೆ ಕಾಣದ

ಒಲವೆಂಬ ಸೂಕ್ಷ್ಮ ಬೆಳಕಿನ ಕಿರಣಗಳ

ನೋಡಲು ನಾನಾಗಿರಲಿಲ್ಲ ಮಿಂಚುಹುಳ

ನನ್ನ ಎದೆಯಲ್ಲಿನ ಜಗದೊಲುಮೆಯ ಮೀರುವ

ಒಲವ, ಅಂಜುಬುರಕನಲ್ಲದ ನಾ ತಿಳಿಸದೇ ಹೋದದೇಕೆ

ಅರಿಯುವುದೇಗೆ ವಿಧಿಯಾಟದ ಸಂಚುಗಳ

ಕಾಲವೊಮ್ಮೆ ಹಿಂದಕ್ಕೆ ಚಲಿಸಬಾರದೆ

ನಿನ್ನ ಆನಂತರದ ಬಾಳು ಕನಸಾಗಬಾರದೆ

ಇಲ್ಲ ನನಗದು ಭ್ರಮೆಯಾಗಬಾರದೆ

ನಿನ್ನ ನೆನಪೆಲ್ಲ ಕ್ಷಣಕೊಂದು ಚೆಂಡಾಗಿ

ನನ್ನನ್ನು ಚೆಂದಾಡುತ್ತಿದೆ ಹುಡುಗಿ

ಕೊನೆಸಾರಿ ನಿನ್ನೊಮ್ಮೆ ಬಿಗಿದಪ್ಪಿ

ಅತ್ತು ಬಿಡುವ ಬಯಕೆಯಿದೆ ಹುಡುಗಿ

ಬಾ ಒಮ್ಮೆ ತೋಳಾಗು.....

ಬಾ ಸುಳ್ಳಿಗೂ ನೀನು ಸುಳ್ಳೆÃಳು....

ಚಂದಮಾಮನಾ.. ತೋರಿ

ಅಮ್ಮ ಕಲಿಸಿದಳೂ…. ಸುಳ್ಳು

ಹೊಡೆವ ಬೆತ್ತವಾ.. ತೋರಿ

ಮೇಷ್ಟ್ರು ಕಲಿಸಿದರೂ…. ಸುಳ್ಳು

ಜಗದ  ಚಿತ್ರವಾ.. ತೋರಿ

ಕಾಲ ಕಲಿಸಿತೂ…. ಸುಳ್ಳು

         ಇಲ್ಲಿ ನನ್ನಾ ಯಾವ ತಪ್ಪಿಲ್ಲ

         ಈ ಜನರದೆ ಎಲ್ಲಾ….

         ಈ ಜಗದಲಿ ಯಾರು ಸಾಚರಿಲ್ಲ

         ಈ ಬದುಕಾ ನಡೆಸಲು ಏನೆಲ್ಲಾ

ಸುಳ್ಳಿನಾ.. ಇರುಳಲಿ ಬದುಕಿನಾ..  ಬೆಳಕಿದೆ

ಬುದ್ದಿಯಾ.. ಮರುಳಲಿ ಉತ್ತುಂಗದಿ ಹಣವಿದೆ

ಅದ ಗಳಿಸಲು ನೀನು ಸುಳ್ಳೆÃಳು... | 

ಅಳಿಸೋ ಸತ್ಯಕ್ಕಿಂತ

ನಗಿಸೋ ಮಿತ್ಯ ವಾಸಿ

ಅರಸೋ ಬರಿಕ್ಯೆಗಿಂತ

ನಡೆಸೋ ಕಾಲೆ ವಾಸಿ

ಈ ಸತ್ಯವಾ ನೀ ತಿಳಿ

ಬದುಕಿದೂ ನಲಿಯಲಿ

ಸುಳ್ಳಿನಾ ಜಗದಲಿ

ಬದುಕು ನೀ ಸುಳ್ಳಲಿ

           ಮೋಸ ಬೇಡ, ವಂಚನೆ ಬೇಡ

           ವೇಷ ಬೇಡ, ಯಾವಾದರ್ಷ ಬೇಡ

           ಸುಮ್ಮನೆ ನೀನು ಸುಳ್ಳೆÃಳು

           ಈ ಜಗದಲಿ ನಗುತಾ ನೀಬಾಳು ||

ಸತ್ಯದ ಸೆರೆಮನೆಗಿಂತ

ಸುಳ್ಳಿನ ಅರಮನೆ ವಾಸಿ

ಸತ್ಯದ ನಟನೆಗಿಂತ

ಸುಳ್ಳಿನ ಪಟನೆ ವಾಸಿ

ನಿನ್ನ ಅಳೆವುದೇ.. ಹಣದಲಿ

ಅದ ಗಳಿಸಲು ನೀ ಕಲಿ

ಮೂರು ದಿನಾ.. ಬಾಳಲಿ

ಬದುಕು ನೀ ಸುಳ್ಳಲಿ

           ಪಾಪ ಪುಣ್ಯ ಎಲ್ಲ ಸುಳ್ಳೇ

           ನ್ಯಾಯ ನೀತಿ ಎಲ್ಲ ಪೊಳ್ಳೆ

           ಸತ್ಯದ ನಿದ್ದೆಬಿಟ್ಟು ಎದ್ದೇಳು

           ಬಾ ಸುಳ್ಳಿಗೂ ನೀನು ಸುಳ್ಳೆÃಳು ||

 

                                              ಅ.ರ.ಶಿ

Priyanka: Welcome Message..!!

Priyanka: Welcome Message..!!

ಈ ಎದೆ ತಳಮಳಕೇ..!!!!!!

ಈ ಎದೆ ತಳಮಳಕೇ

ನೀ ಬಂದೆ ಉಸಿರಾಗಿ

ಕತ್ತಲಾದ ಈ ಮನಕೇ

ನೀ ಬಂದೆ ಬೆಳಕಾಗಿ

     ಮುಚ್ಚಿಹಿಟ್ಟ ಮೋಹಗಳು

     ರೆಕ್ಕೆ ಬಂದು ಹಾರುತ್ತಿದೆ

     ಬಚ್ಚಿಹಿಟ್ಟ ಭಾವಗಳು 

     ನಿನ್ನ ಹಿಂದೆ ಅಲೆಯುತ್ತಿದೆ 

ಮುಂದೇನು ಮಾಡಲಿ,

ಇನ್ನೇಗೆ ಬಾಳಲಿ, ನೀನೆ ಹೇಳೆಯಾ 

ಬಂದೊಮ್ಮೆ ಪ್ರೀತಿ ಮಾಡೆಯಾ  || ಪ ||

ತಾಳ ಹಾಕಲೆಂದು ಬಂದ

ನನ್ನ ಎದೆಯ ಹಾಡಿಗೆ

ಹೇಳಲಾಗದಂತ ಅಂದ

ಸೆಳೆಯೀತದರ ಪಾಡಿಗೆ

     ಸೋತುಬಿಡುವೆನೂ ನಾನು

     ಇಲ್ಲ ಈಗ ಬೇರೆ ದಾರಿ

     ನನ್ನೆದೆಯ ಗೂಡಿಗೇ ನೀನು

     ಜಿಗಿದು ಬೇಗ ಬಾರೆ ಹಾರಿ ||

ದಿನಾ ನಡೆವ ದಾರಿಯಲ್ಲಿ

ಹೊಸ ಹೆಜ್ಜೆ ಗುರುತುಗಳು

ಮನಾ ಅಲೆವ ಊರಿನಲ್ಲಿ

ನಿನ್ನದೊಂದೆ ನೆನಪುಗಳು

     ತಂದು ಹಾಕಲಾರೆಯ ನೀನು

     ಈ ಖಾಲಿಕೊರಳಿಗೊಲವಿನ  ಮಾಲೆ

     ಮೌನ ಒಂದೇ ನನಗೆ ಇನ್ನು

     ಮಾತು ಮರೆತು ಹೋದ ಮೇಲೆ ||

                                                     -ಅರಶಿ