ಕೊನೆಯ ಪುಟಗಳೆಲ್ಲ 

ಮೊದಲ ಪುಟಕೆ ಜಿಗಿದವು

ಮೊದಲ ಪುಟಗಳೆಲ್ಲ

ಎಲ್ಲೋ ಮಾಯವಾದವು

      ನಲಿಯುತ್ತಿದ್ದ ಪದಗಳೆಲ್ಲ 

      ಏಕೋ ಮೂಕವಾದವು 

      ಮಾತಾಡುತ್ತಿದ್ದ ಸಾಲುಗಳೆಲ್ಲ

      ಏಕೋ ಮಾತು ಮರೆತವು |

 

ಮೊನ್ನೆ ತಾನೆ ಬಂದು ನನ್ನ ಬಾಳಲಿ

ಆಗಲೆ ನೀನು ಕಾಣದಾದೆ

ನೆನ್ನೆ ತಾನೆ ತೇಲಿ ನನ್ನ ಕಣ್ಣಲಿ

ಮರೆಯಲಾಗದ ನೆನಪಾಗಿಹೋದೆ

       ಮುಗಿಬೀಳುತ್ತಿರುವ ಕನಸ್ಸಿಗೆ 

       ಏನೆಂದು ಉತ್ತರ ನೀಡಲಿ

       ನಿನ್ನನೆ ಕಾಯುತ್ತಿರುವ ಮನಸಿಗೆ

       ಹೇಗೆ ಸಮಾದಾನ ಮಾಡಲಿ ||

 

ಸೊನ್ನೆ ಎಂದುಕೊಂಡಿದ್ದ ಬಾಳಲಿ

ಬಂದು ಬಗೆಯರಿಯದ ಲೆಕ್ಕವಾದೆ

ನಾನೇ ಬರೆದ ವೇದನೆಯ ಹಾಡಲಿ

ಸಿಲುಕಿಸಿ, ಕಾಣದೆ ಹೊರಟುಹೋದೆ

      ನಿನ್ನೆಸರನೆ ಬಡಿಯುತ್ತಿರುವ ಹೃದಯಕೆ

      ನಿಲಿಸುವೆಯಾ ಎಂದು ಹೇಗೆ ನಾ ಕೇಳಲಿ

      ನಿನ್ನ ನೆನಪಲೆ ಉಳಿದಿರುವ ಜೀವಕೆ

      ಮರೆತುಬಿದೆಂದು ಹೇಗೆ ನಾ ಹೇಳಲಿ ||