ಕೋಗಿಲೆಗಿಂತ ಇಂಪು ಆ ದನಿ,
ಅವಳಾ ದನಿ ನಾನಿನ್ನು ಕೇಳಿಲ್ಲ
ಕೊರೆವ ಮಂಜಿನ ಹನಿಗಿಂತ ತಂಪು,
ಆ ಸ್ಪರ್ಶ ಅವಳಾ ಸ್ಪರ್ಶ ನಾನಿನ್ನು ಸ್ಪರ್ಶಿಸಿಲ್ಲ
    ಇರಬಹುದೇ ಎದೆಯಂತರಾಳದಲ್ಲಿ
    ನನ್ನ ಬಗೆ ಅವಳಲ್ಲಿ
    ಸಿಗಬಹುದೇ ಅವಕಾಶ ಮಾತಾಡಲು
    ನಿಂತು ಅವಳ ಬಳಿಯಲ್ಲಿ

ದಿನ ಮೈಸೋಕೋ ತಂಗಾಳಿಗೇಳುವೆ
ಅವಳ ಸೋಕಿ ನನ್ನೆಡೆ ಬಾ ಎಂದು
ದಿನ ಮೂಡೋ ಸೂರ್ಯನಿಗೇಳಿಕಳಿಸುವೆ
ಅವಳ ಕುಶಲ ಕೇಳಿ ತಾ ಎಂದು
   ಇನ್ನೆಷ್ಟು ನಾ ಬರೆಯಲಿ ಬರೆಯುತಿದ್ದರು
   ವಿವರಿಸಲಾಗದ ಮೂಡ ನಾನು
   ಇನ್ನು ಅರ್ಥವಾಗಲಿಲ್ಲ ನಿನಗೆ ಓದಿ ಕೂಡ ಹಾಗೆ
   ಚಲಿಸುತಿರುವ ಮೋಡ ನೀನು

                                                                                             -ಅರಶಿ