ಸಾಲದು ಈ ಜನುಮ
ನಿನ್ನ ಪೂಜಿಸಲು ಅಮ್ಮ
ಬೇಕಿದೆ ಮರುಜನುಮ
ನಿನ್ನ ಋಣ ತೀರಿಸಲು ಅಮ್ಮ
          ನೀನೆ ಕೊಟ್ಟ ಜೀವನ
          ನಿನಗಾಗೆ ಮುಡಿಪಿಟ್ಟರೇನು?
          ನೀನೆ ಕೊಟ್ಟ ಪ್ರಾಣ
          ನಿನಗಾಗೆ ಹೋದರೇನು? ||ಪ||

ಘಳಿಗೆ ಮರೆಯಾದರು

ಬಂದೆ ನನ್ನ ಹುಡುಕುತ

ಘಂಟೆ ಎಷ್ಟಾದರೂ

ಕುಳಿತೆ ನನಗೆಂದೆ ಕಾಯುತ

       ನಾ ಅತ್ತರೆ, ನೋವಲೀ ಬೇಯುತ

       ನಾ ನಕ್ಕರೆ, ನನ್ನ ನಗುವಲೀ ಬೆರೆಯುತ

ನಿಜ ಹೇಳಲೇ, ಈ ಧರೆಯೆ ಶೂನ್ಯ

ನಿನ್ನ ಪೂಜೆಯಲ್ಲೇ, ಅಮ್ಮ ಈ ಜನುಮ ಧನ್ಯ ||

ನನಗೆ ತುಸು ನೋವಾದರು

ನಿನ್ನ ಕಣ್ಣಲೀ ಕಂಬನಿ ಅನಿಸುತ

ನಿನಗೆ ಏನಾದರು

ನನಗೆ ತೋರದೆ ಮರೆಸುತ

        ನಾ ಸತ್ತರೆ, ಸಾವೆನು, ಮರು ಜನ್ಮವಾ ಬೇಡುತ

        ನಿನ್ನಕ್ಕರೆ, ಮಡಿಲಲೀ ಮತ್ತೆ ಹುಟ್ಟಲು ಜಪಿಸುತ

ಒಂದು ಸತ್ಯ ಹೇಳಲೇ, ಈ ಜಗದಲಿ ನೀನೆ ಮಾನ್ಯ
ನಿನ್ನ ಮಗನಾದುದೆ, ನನ್ನ ಪೂರ್ವಜನ್ಮದ ಪುಣ್ಯ ||

                                        
                                                                          -ಅರಶಿ